Бизга Мусаддад ривоят қилди, бизга Яҳё ривоят қилди, бизга Авф ривоят қилди, бизга Ҳайён — Мусаддаддан бошқаси: Ҳайён ибн Алаъ деди — ривоят қилди, бизга Қатан ибн Қабийса отасидан ривоят қилди. У деди: «Мен Расулуллаҳ соллаллаҳу алайҳи васалламнинг шундай деганларини эшитдим: ‹Иёфа, тияра (қуш билан фол очиш) ва торқ — жибтдан (сеҳр-жодудан)дир.›» Торқ — (қуш) ҳайдаш (билан фол очиш), иёфа эса — (ерга) чизиқ тортиш (билан фол очиш)дир.
Бизга Ибн Башшор ривоят қилди. У деди: Муҳаммад ибн Жаъфар деди: Авф деди: «Иёфа — қушни ҳайдаш (билан фол очиш), торқ эса — ерга тортиладиган чизиқдир.»
Бизга Мусаддад ривоят қилди, бизга Яҳё Ҳажжож Саввофдан ривоят қилди, менга Яҳё ибн Абу Касийр Ҳилол ибн Абу Маймунадан, у Ато ибн Ясордан, у Муовия ибн Ҳакам Суламийдан ривоят қилди. У деди: «Мен: ‹Эй Расулуллаҳ, биздан баъзи кишилар (ерга) чизиқ тортадилар (билан фол очадилар)›, дедим. У: ‹Пайғамбарлардан бир пайғамбар чизиқ тортар эди. Ким унинг чизиғига мувофиқ қилса, ўша (тўғри бўлади)›, дедилар.»