Ҳасад ва бир-биридан юз ўгиришдан қайтариш

حَدَّثَنَا بِشْرُ بْنُ مُحَمَّدٍ، أَخْبَرَنَا عَبْدُ اللَّهِ، أَخْبَرَنَا مَعْمَرٌ، عَنْ هَمَّامِ بْنِ مُنَبِّهٍ، عَنْ أَبِي هُرَيْرَةَ، عَنِ النَّبِيِّ صلى الله عليه وسلم قَالَ ‏ "‏ إِيَّاكُمْ وَالظَّنَّ، فَإِنَّ الظَّنَّ أَكْذَبُ الْحَدِيثِ، وَلاَ تَحَسَّسُوا، وَلاَ تَجَسَّسُوا، وَلاَ تَحَاسَدُوا، وَلاَ تَدَابَرُوا، وَلاَ تَبَاغَضُوا، وَكُونُوا عِبَادَ اللَّهِ إِخْوَانًا ‏"‏‏.‏

Бишр ибн Муҳаммад, Абдуллаҳдан: Бизга Маъмар, у Ҳаммом ибн Мунаббиҳдан, у Абу Ҳурайрадан, у Набий соллаллаҳу алайҳи васалламдан айтиб берди: «Гумондан сақланинглар, чунки гумон — сўзларнинг энг ёлғонидир. Бир-бирингизнинг (айб)ини тафтиш қилманглар, бир-бирингизни пойламанглар, бир-бирингизга ҳасад қилманглар, бир-бирингизга орқа ўгирманглар (юз ўгирманглар), бир-бирингизга адоват қилманглар — Аллаҳнинг бир-бирига биродар бандалари бўлинглар» дедилар.

حَدَّثَنَا أَبُو الْيَمَانِ، أَخْبَرَنَا شُعَيْبٌ، عَنِ الزُّهْرِيِّ، قَالَ حَدَّثَنِي أَنَسُ بْنُ مَالِكٍ ـ رضى الله عنه ـ أَنَّ رَسُولَ اللَّهِ صلى الله عليه وسلم قَالَ ‏ "‏ لاَ تَبَاغَضُوا، وَلاَ تَحَاسَدُوا، وَلاَ تَدَابَرُوا، وَكُونُوا عِبَادَ اللَّهِ إِخْوَانًا، وَلاَ يَحِلُّ لِمُسْلِمٍ أَنْ يَهْجُرَ أَخَاهُ فَوْقَ ثَلاَثَةِ أَيَّامٍ ‏"‏‏.‏

Абул Ямон, Шуъайбдан, у Зуҳрийдан: Менга Анас ибн Молик (розияллаҳу анҳу) айтиб берди: Расулуллаҳ соллаллаҳу алайҳи васаллам: «Бир-бирингизга адоват қилманглар, бир-бирингизга ҳасад қилманглар, бир-бирингизга орқа ўгирманглар; Аллаҳнинг биродар бандалари бўлинглар; мусулмонга биродарини уч кундан ортиқ тарк этиш (гаплашмай қўйиш) ҳалол эмас» дедилар.