Урушда аёллар ва болаларни ўлдиришнинг ҳаромлиги

حَدَّثَنَا يَحْيَى بْنُ يَحْيَى، وَمُحَمَّدُ بْنُ رُمْحٍ، قَالاَ أَخْبَرَنَا اللَّيْثُ، ح وَحَدَّثَنَا قُتَيْبَةُ بْنُ، سَعِيدٍ حَدَّثَنَا لَيْثٌ، عَنْ نَافِعٍ، عَنْ عَبْدِ اللَّهِ، أَنَّ امْرَأَةً، وُجِدَتْ، فِي بَعْضِ مَغَازِي رَسُولِ اللَّهِ صلى الله عليه وسلم مَقْتُولَةً فَأَنْكَرَ رَسُولُ اللَّهِ صلى الله عليه وسلم قَتْلَ النِّسَاءِ وَالصِّبْيَانِ‏.‏

Бизга Яҳё ибн Яҳё ва Муҳаммад ибн Румҳ ривоят қилиб дедилар: Бизга Лайс хабар берди, (ҳ) яна бизга Қутайба ибн Саъид ривоят қилди, бизга Лайс Нофиъдан, у Абдуллаҳдан ривоят қилди: Расулуллаҳ соллаллаҳу алайҳи васалламнинг баъзи ғазотларидан бирида бир аёл ўлдирилган ҳолда топилди. Шунда Расулуллаҳ соллаллаҳу алайҳи васаллам аёллар ва болаларни ўлдиришни инкор қилдилар.

حَدَّثَنَا أَبُو بَكْرِ بْنُ أَبِي شَيْبَةَ، حَدَّثَنَا مُحَمَّدُ بْنُ بِشْرٍ، وَأَبُو أُسَامَةَ قَالاَ حَدَّثَنَا عُبَيْدُ، اللَّهِ بْنُ عُمَرَ عَنْ نَافِعٍ، عَنِ ابْنِ عُمَرَ، قَالَ وُجِدَتِ امْرَأَةٌ مَقْتُولَةً فِي بَعْضِ تِلْكَ الْمَغَازِي فَنَهَى رَسُولُ اللَّهِ صلى الله عليه وسلم عَنْ قَتْلِ النِّسَاءِ وَالصِّبْيَانِ ‏.‏

Бизга Абу Бакр ибн Абу Шайба ривоят қилди, бизга Муҳаммад ибн Бишр ва Абу Усома ривоят қилиб дедилар: Бизга Убайдуллаҳ ибн Умар Нофиъдан, у ибн Умардан ривоят қилди. У деди: Ўша ғазотлардан бирида бир аёл ўлдирилган ҳолда топилди. Шунда Расулуллаҳ соллаллаҳу алайҳи васаллам аёллар ва болаларни ўлдиришдан қайтардилар.