إِذَا ٱلشَّمْسُ كُوِّرَتْ
Вақтики, қуёшни буклаб, ўралса.
وَإِذَا ٱلنُّجُومُ ٱنكَدَرَتْ
Ва, вақтики, юлдузлар сочилиб кетса.
وَإِذَا ٱلْجِبَالُ سُيِّرَتْ
Ва, вақтики, тоғлар сайр қилдирилса.
وَإِذَا ٱلْعِشَارُ عُطِّلَتْ
Ва, вақтики, ҳомиласига ўн ой тўлган туялар қаровсиз қолса.
وَإِذَا ٱلْوُحُوشُ حُشِرَتْ
Ва, вақтики, ваҳший ҳайвонлар бир жойга тўпланса.
وَإِذَا ٱلْبِحَارُ سُجِّرَتْ
Ва, вақтики, денгизлар аланга олиб ёнса.
وَإِذَا ٱلنُّفُوسُ زُوِّجَتْ
Ва вақтики, нафслар жуфтлаштирилса.
وَإِذَا ٱلْمَوْءُۥدَةُ سُئِلَتْ
Ва вақтики, тириклай кўмилган қиздан сўралса.
بِأَىِّ ذَنۢبٍ قُتِلَتْ
У нима гуноҳ учун ўлдирилган?
وَإِذَا ٱلصُّحُفُ نُشِرَتْ
Ва, вақтики, саҳифалар нашр қилинса.
وَإِذَا ٱلسَّمَآءُ كُشِطَتْ
Ва, вақтики, осмон қўпорилса.
وَإِذَا ٱلْجَحِيمُ سُعِّرَتْ
Ва, вақтики, жаҳаннам қиздирилса.
وَإِذَا ٱلْجَنَّةُ أُزْلِفَتْ
Ва, вақтики, жаннат яқинлаштирилса.
عَلِمَتْ نَفْسٌ مَّآ أَحْضَرَتْ
Ҳар бир жон нима ҳозирланганини билади.
فَلَآ أُقْسِمُ بِٱلْخُنَّسِ
махфий бўлувчилар билан қасам.
ٱلْجَوَارِ ٱلْكُنَّسِ
юрувчи, беркинувчилар билан қасам.
وَٱلَّيْلِ إِذَا عَسْعَسَ
Қоронғулиги билан кириб келган кеча билан қасам.
وَٱلصُّبْحِ إِذَا تَنَفَّسَ
Нафас олиб, кириб келган тонг билан қасам.
إِنَّهُۥ لَقَوْلُ رَسُولٍ كَرِيمٍ
Албатта у карамли Расулнинг сўзидир.
ذِى قُوَّةٍ عِندَ ذِى ٱلْعَرْشِ مَكِينٍ
У қувватлидир. Арш эгаси ҳузурида мартабаси олийдир.