Муоз ибн Фазола, Ҳишомдан, у Яҳёдан, у Ибн Ҳакиймдан, у Саид ибн Жубайрдан ривоят қилади: Ибн Аббос (розияллаҳу анҳумо) ҳаром (қилиб қўйиш) ҳақида: У каффорат тўлайди, деди. Ва Ибн Аббос: «Албатта сизлар учун Расулуллаҳда гўзал ўрнак бор» деди.
حَدَّثَنَا إِبْرَاهِيمُ بْنُ مُوسَى، أَخْبَرَنَا هِشَامُ بْنُ يُوسُفَ، عَنِ ابْنِ جُرَيْجٍ، عَنْ عَطَاءٍ، عَنْ عُبَيْدِ بْنِ عُمَيْرٍ، عَنْ عَائِشَةَ ـ رضى الله عنها ـ قَالَتْ كَانَ رَسُولُ اللَّهِ صلى الله عليه وسلم يَشْرَبُ عَسَلاً عِنْدَ زَيْنَبَ ابْنَةِ جَحْشٍ وَيَمْكُثُ عِنْدَهَا فَوَاطَيْتُ أَنَا وَحَفْصَةُ عَنْ أَيَّتُنَا دَخَلَ عَلَيْهَا فَلْتَقُلْ لَهُ أَكَلْتَ مَغَافِيرَ إِنِّي أَجِدُ مِنْكَ رِيحَ مَغَافِيرَ. قَالَ " لاَ وَلَكِنِّي كُنْتُ أَشْرَبُ عَسَلاً عِنْدَ زَيْنَبَ ابْنَةِ جَحْشٍ فَلَنْ أَعُودَ لَهُ وَقَدْ حَلَفْتُ لاَ تُخْبِرِي بِذَلِكِ أَحَدًا ".
Иброҳим ибн Мусо, Ҳишом ибн Юсуфдан, у Ибн Журайждан, у Атодан, у Убайд ибн Умайрдан, у Оишадан (розияллаҳу анҳо) ривоят қилади: Расулуллаҳ соллаллаҳу алайҳи васаллам Зайнаб бинти Жаҳшнинг олдида асал ичиб, унинг олдида (узоқ) қолардилар. Мен ва Ҳафса келишиб олдик: қайсимизнинг олдига кирсалар, унга: Мағофир (ёмон ҳидли елим) еганмисиз? Мен сиздан мағофир ҳидини сезяпман, десин. У: «Йўқ, лекин мен Зайнаб бинти Жаҳшнинг олдида асал ичган эдим, бошқа унга қайтмайман; қасам ичдим, буни ҳеч кимга айтмагин» дедилар.