Бизга Ишоқ ибн Мансур хабар бериб, деди: бизга Абул-Валид хабар берди, у деди: бизга Абу Хайсама Зуҳайр ривоят қилди, у деди: бизга Симок, Жобир ибн Самурадан ривоят қилдики, бир киши ўзини пайконлар билан ўлдирди. Шунда Расулуллаҳ (соллаллаҳу алайҳи васаллам): «Мен эса унга (жаноза) намозини ўқимайман,» дедилар.
Бизга Муҳаммад ибн Абдул-Аъло хабар бериб, деди: бизга Холид ривоят қилди, у деди: бизга Шуъба, Сулаймондан ривоят қилди: мен Заквонни Абу Ҳурайрадан, у Набий (соллаллаҳу алайҳи васаллам)дан ривоят қилиб (сўзлаганини) эшитдим. У дедилар: «Ким тоғдан ўзини ташлаб, ўзини ўлдирса, у жаҳаннам ўтида ўзини абадий ташлаб туради, унда мангу қолувчи бўлиб, доимо. Ким заҳар ютиб, ўзини ўлдирса, унинг заҳари қўлида бўлиб, уни жаҳаннам ўтида ютади, унда мангу қолувчи бўлиб, доимо. Ким ўзини темир билан ўлдирса — кейин (ровайлардан бири бўлмиш) Холид айтадиган нарсани мен тушира олмадим —: унинг темири қўлида бўлиб, у билан қорнини чавоқлайди, жаҳаннам ўтида, унда мангу қолувчи бўлиб, доимо,» дедилар.