Бизга Абул-Хаттоб Зиёд ибн Яҳё ал-Басрий ривоят қилди, у деди: бизга Ҳотим ибн Вардон ривоят қилди, у деди: бизга Айюб ривоят қилди, Ибн Абу Мулайкадан, у Асмо бинт Абу Бакр (розияллаҳу анҳо)дан (ривоят қилдики), у деди: Мен: «Эй Расулуллаҳ, менда Зубайр киритган (мол)дан бошқа ҳеч нарсам йўқ, шундан (садақа) берайинми?» дедим. У: «Ҳа, лекин (тугун)ни боғлаб (мол)ни сақлама, йўқса сенга (ризқ) сақланиб қолади,» дедилар. Яъни: «Санаб (сақлаб) қўйма, йўқса сенга (ҳам ҳисоблаб) санаб қўйилади,» демоқдалар. Бу бобда Оиша ва Абу Ҳурайрадан ҳам (ривоятлар бор). Абу Исо (Термизий) деди: бу ҳадис ҳасан саҳиҳдир. Баъзилар бу ҳадисни шу санад билан Ибн Абу Мулайкадан, у Аббод ибн Абдуллаҳ ибназ-Зубайрдан, у Асмо бинт Абу Бакр (розияллаҳу анҳумо)дан (қилиб) ривоят қилганлар. Бир неча (рови) буни Айюбдан ривоят қилиб, ундаги Аббод ибн Абдуллаҳ ибназ-Зубайрни зикр қилмаганлар.
Бизга ал-Ҳасан ибн Арафа ривоят қилди, у деди: бизга Саид ибн Муҳаммад ал-Варроқ ривоят қилди, Яҳё ибн Саиддан, у ал-Аъраждан, у Абу Ҳурайра (розияллаҳу анҳу)дан, у Набий (соллаллаҳу алайҳи васаллам)дан (ривоят қилдики), у зот: «Сахий (киши) Аллаҳга яқин, жаннатга яқин, одамларга яқин, дўзахдан узоқдир. Бахил эса Аллаҳдан узоқ, жаннатдан узоқ, одамлардан узоқ, дўзахга яқиндир. Сахий бўлган нодон (киши), бахил бўлган обиддан Аллаҳ (азза ва жалл) наздида кўпроқ севимлироқдир,» дедилар. Абу Исо (Термизий) деди: бу ҳадис ғарибдир, биз уни Яҳё ибн Саиднинг ал-Аъраждан, у Абу Ҳурайрадан (қилган) ҳадисидан фақат Саид ибн Муҳаммаднинг ҳадиси орқалигина биламиз. Саид ибн Муҳаммад бу ҳадисни Яҳё ибн Саиддан ривоят қилишда (бошқаларга) мухолиф бўлган; аслида у Яҳё ибн Саиддан, у Оишадан (қилинган) мурсал бир нарса сифатида ривоят қилинади.