حَدَّثَنَا مُحَمَّدُ بْنُ الْمُثَنَّى، وَمُحَمَّدُ بْنُ بَشَّارٍ، قَالاَ حَدَّثَنَا مُحَمَّدُ بْنُ جَعْفَرٍ، حَدَّثَنَا شُعْبَةُ، عَنْ أَبِي مَسْلَمَةَ، قَالَ سَمِعْتُ أَبَا نَضْرَةَ، يُحَدِّثُ عَنْ أَبِي سَعِيدٍ الْخُدْرِيِّ، عَنِ النَّبِيِّ صلى الله عليه وسلم قَالَ " إِنَّ الدُّنْيَا حُلْوَةٌ خَضِرَةٌ وَإِنَّ اللَّهَ مُسْتَخْلِفُكُمْ فِيهَا فَيَنْظُرُ كَيْفَ تَعْمَلُونَ فَاتَّقُوا الدُّنْيَا وَاتَّقُوا النِّسَاءَ فَإِنَّ أَوَّلَ فِتْنَةِ بَنِي إِسْرَائِيلَ كَانَتْ فِي النِّسَاءِ " . وَفِي حَدِيثِ ابْنِ بَشَّارٍ " لِيَنْظُرَ كَيْفَ تَعْمَلُونَ " .
Бизга Муҳаммад ибн ал-Мусанно ва Муҳаммад ибн Башшор ривоят қилдилар. Иккаласи: бизга Муҳаммад ибн Жаъфар ривоят қилди, бизга Шуъба Абу Масламадан ривоят қилди. У деди: Абу Назранинг Абу Саъийд ал-Худрийдан, унинг Набий соллаллаҳу алайҳи васалламдан ривоят қилиб шундай деганини эшитдим: «Албатта бу дунё ширин ва кўкаламдир (кўркамдир). Ва албатта Аллаҳ сизларни унда Ўринбосар (халифа) қилиб қўяди ва қандай амал қилишингизга назар солади. Шундай экан, дунёдан сақланинг ва аёллардан сақланинг, чунки Бани Исроилнинг биринчи фитнаси аёллар тўғрисида бўлган эди» дедилар. Ибн Башшорнинг ҳадисида: «Қандай амал қилишингизга назар солиши учун» деб келтирилган.